شاب 28 سنة تعرض لكسر سيجمنتال معقد بعظمة الفخذ بعد حادث سير، وتم تثبيته بمسمار نخاعي مع رد دقيق ليستعيد الحركة سريعًا.
حالة من الحالات الصعبه💥
شاب عنده 28 سنة تعرض لحادث سير اصطدم بعربية والحادث أدى إلى كسر معقّد جدًا في عظمة الفخذ.
الكسر كان من النوع اللي بنسميه Segmental Fracture — يعني العظمة نفسها مكسورة في أكتر من مستوى وكل مستوى فيه تفتت شديد في العظام.
يعني بمعني إن الجزء العلوي من الكسر كان فيه تفتت كبير وفقدان في انتظام العظمة
وكمان الجزء السفلي كان متفتت بشكل واضح وده بيخلي الحالة من أصعب أنواع كسور عظمة الفخذ.
📌 القرار كان التدخل الجراحي السريع لتقليل المضاعفات والحفاظ على وظيفة الطرف.
دخلنا غرفة العمليات وتم عمل:
✔️ رد وتثبيت الكسور باستخدام مسمار نخاعي
✔️ عمل رد مغلق للكسر السفلي
✔️ ورد مفتوح للكسر العلوي بسبب شدة التفتت
والحمدلله النتيجة كانت ممتازة الكسرين راكبين بشكل دقيق ومستقر جدًا.
و الأهم من كده👇🏻
المريض قدر يبدأ يحرك رجله من تاني يوم بعد العملية وحاليًا بدأ مرحلة التحميل الخفيف على الطرف المصاب تحت إشراف طبي دقيق.
الحمدلله على كل نجاح وربنا يتمم شفاءه على خير🤍
إستشاري جراحة العظام والعمود الفقري