مريضة 58 سنة مع ألم مستمر واعوجاج بالعمود الفقري، تم تثبيت الفقرات وتوسيع القناة العصبية، وتحسنت الحركة واختفى الألم
حاله من الحالات الصعبه والمعقده لمريضة عندها 58 سنة بدأت الحكاية من 3 سنين بعد وقعة سببت كسر غير مستقر في الفقرة القطنية التالتة ومع الوقت وبعد ما الكسر التأم الفقرة فقدت أكتر من نص ارتفاعها الطبيعي وده خلّى العمود الفقري يميل لقدام بشكل واضح ومعاه بدأت معاناة مستمرة من ألم شديد في الظهر ممتد للرجلين ومأثر على حركتها وحياتها اليومية
الأشعة كشفت إن المشكلة أكبر من مجرد كسر قديم لأن كان فيه اعوجاج في العمود الفقري حتى لو درجته مش كبيرة لكنه كان مؤثر بشكل واضح وكمان ضيق شديد في القناة العصبية من الفقرة القطنية التانية لحد العجزية الأولى بسبب تآكل الغضاريف وكل ده كان بيزود الضغط على الأعصاب ويضاعف الألم
قدام الحالة دي كنا محتاجين نحل كذا مشكلة في وقت واحد تثبيت العمود الفقري استعادة التوازن وتصحيح الانحناء توسيع القناة العصبية وتقليل الضغط على الأعصاب ومحاولة استرجاع أكبر قدر ممكن من شكل الفقرة الطبيعي
تم إجراء تثبيت من الفقرة القطنية التانية لحد العجزية الأولى مع توسيع كامل للقناة العصبية وتصحيح الاعوجاج والانحناء والحمدلله النتيجة كانت واضحة الأشعة بعد العملية بينت رجوع استقامة العمود الفقري بشكل كبير والأهم إن الألم اختفى والمريضة رجعت تتحرك وتعيش حياتها بشكل طبيعي من غير المعاناة اللي كانت مستمرة بقالها سنين
إستشاري جراحة العظام والعمود الفقري